അങ്ങനെയാ ദിനങ്ങളും
പൊറ്റകൾപോലെ വീണു പോകുന്നു
പിന്നിട്ട നഗരത്തിന്റെ തെരുവുണർവുകൾ,
ജാലകവെട്ടങ്ങൾ, മുഖകൌതുകങ്ങൾ
പാതമണങ്ങൾ, മഴപ്പാടുകൾ
വഴിയിരന്പങ്ങൾ, നിശബ്ദനിഴലുകൾ
ഉദ്യാനങ്ങളിലെ ഇലകൾപോലെ
അവയെവിടെയോ വിറകൊള്ളൂന്നുണ്ട്
എന്നാൽ ഓർമ്മകൾ സ്വയം
തിരശ്ശീലകൾ മാറ്റിയിടുന്ന
ഒരു വീടാണെന്നു നിങ്ങൾക്കറിയാം
പ്രിയമുള്ളതെന്നു കരുതുന്നത്
പൊതിഞ്ഞെടുത്ത് നിങ്ങൾ
മറ്റൊരു യാത്രക്കൊരുങ്ങുന്നു
No comments:
Post a Comment