കഞ്ചാവ് പുകയില്
പൊറ്റാളിനു മുകളില്
പറന്നു കൌസ്വാത്ത
പാടങ്ങള്ക്കു മുഴുവന് നരച്ചനിറം
അബുവിനെ കണ്ടു
അതേ തോട്ടുവക്കില്
അതേ കള്ളിമുണ്ടുടുത്ത്
ആഴമെത്രയുമ്മാ
ചുഴിയെത്രയുമ്മാ
എന്ന് കരച്ചിലാണ്
കൊലുസുവുണ്ട്
വാഴത്തോട്ടത്തിലൂടെ
മണ്ടിവരണ്
നോക്കുമ്പോ പെണ്ണുണ്ട്
കരിഞ്ഞ് കത്ത്ണ്
ചൂടെത്രയുമ്മാ
എരിയെത്രയുമ്മാ
എന്ന് പരാതിയാണ്
കരീമിനേം നജൂനേം കണ്ടു
"എളേമ വരണ് ഇന്നെങ്കിലും
ഇമ്മക്ക് എന്തെങ്കിലും
തിന്നാലോ" ന്ന് ഇളയവന്
അഞ്ചു പൈസേന്റെ മുട്ടായി
നൊണഞ്ഞിട്ടും നൊണഞ്ഞിട്ടും
തീരണില്ലെന്നു വിടര്ന്നു ചിരിയാണ്
ചായ്പില് മജീദ് വരാണ് രാത്രീല്
"ഞാന് പോണുമ്മാ" ന്ന്
കരച്ചിലാണ് ചെക്കന്,
ഒച്ചേണ്ടാക്കാതെ
കിനാവ് കിനാവ്
എന്ന് പിറുപിറുപ്പാണുമ്മ
മക്കളേന്ന് കരയാണ് കൌസ്വാത്ത
മലയിറങ്ങി വെയിലെത്ര പോയി
പുഴകടന്ന് കാറ്റെത്ര പോയി
എന്നിട്ടും
ഇടവഴിയിറങ്ങിപ്പോയവര്
വഴിമറന്നലയുന്നുണ്ടെന്നു
തുടിയ്ക്കുന്നു കൌസ്വാത്ത
അവര് മുട്ടിനിലവിളിയ്ക്കുന്ന
വാതിലുകള് തെരയാണ് കൌസ്വാത്ത
ഉപമയിലെ ആട്
4 hours ago
ഇടവഴിയിറങ്ങിപ്പോയവര്,
ReplyDeleteപെരുവഴി വിഴുങ്ങിയവര്!
:(
ചിലരങ്ങനെയാണ്
ReplyDeleteവിട്ടു പോവില്ല, നെന്ചില് ആധിയുമായി ഇങ്ങനെ പറന്ന് കൊണ്ടിരിക്കും
"മലയിറങ്ങി വെയിലെത്ര പോയി
ReplyDeleteപുഴകടന്ന് കാറ്റെത്ര പോയി
എന്നിട്ടും
ഇടവഴിയിറങ്ങിപ്പോയവര്
വഴിമറന്നലയുന്നുണ്ടെന്നു
തുടിയ്ക്കുന്നു കൌസ്വാത്ത
"
വളരെ വളരെ നന്നാവുന്നു....
ഇഷ്ടമാകുന്നു ഈ ഭാഷയും എഴുത്തും...
ReplyDeleteനൊണഞ്ഞിട്ടും നൊണഞ്ഞിട്ടും തീരണില്ല.
ReplyDeleteതീരത്തുമില്ല.
തകർത്തു...തകർത്തു...വളരെ നല്ല കവിത...എഴുത്ത്...നന്ദി...ആശംസകൾ....
ReplyDeleteശ്രീഹരി ഇന്ന് കാണിച്ചുതന്നതുകൊണ്ടാണ് ഇവിടെ എത്തിയത്. ഒരു പക്ഷെ പലവുരു കണ്ട ചിത്രമാണെങ്കില് കൂടി കൌസ്വാത്തയുടെ ചിത്രത്തിന് നല്ല മിഴിവ്. സ്നേഹത്തിന്റെ പിടപ്പും ചൂടും.
ReplyDeleteബാക്കി കവിതകളും വായിച്ചു. നേരത്തേ കണ്ടില്ലല്ലോ എന്ന് വിഷമം.
അഭിനന്ദനങ്ങള് :)
പൊറ്റാളിലെ ഇടവഴികളില്
ReplyDeleteകവിതകള് വേവുന്നതിന്റെ, പൊരിക്കുന്നതിന്റെ, ഉള്ളിയും മുളകും കാച്ചുന്നതിന്റെ മണങ്ങള്!
“മലയിറങ്ങി വെയിലെത്ര പോയി
ReplyDeleteപുഴകടന്ന് കാറ്റെത്ര പോയി“
എത്ര ആഴമാണ്,
ReplyDeleteഎത്ര ചുഴിയാണ്..
തണല്, നന്ദി
ReplyDeleteഅനീഷേ, സന്തോഷം
ശ്രീ, വളരെ വളരെ നന്ദി
പകല്, പ്രോത്സാഹനത്തിനു നന്ദി
നജൂസ്, പക്ഷെ കയ്പ്പാണെന്ന് മാത്രം , ഈ മുട്ടായിയ്ക്ക് :( , നന്ദി
വി എസ് , നിന്റെ പ്രോത്സാഹനങ്ങള്ക്കും എന്നും നന്ദി
ഗുപ്തരെ, ഇത് തെല്ലൊന്നു ഞെട്ടിച്ചു. ശ്രീഹരിക്കും നന്ദി. നിങ്ങളെപ്പോലുള്ളവരുടെ വാക്കുകള് എത്ര പ്രചോദിപ്പിയ്ക്കുന്നു എന്നറിയാമോ ?
അനിലേ, നന്ദി , നന്ദി, നന്ദി
രാം വീണ്ടും വരുമല്ലോ?
സെറീന , നന്ദി
വിത്യസ്തമായിതോന്നി.
ReplyDeleteആശംസകൾ
നന്ദി ബഷീര്
ReplyDeleteമലയിറങ്ങി വെയിലെത്ര പോയി
ReplyDeleteപുഴകടന്ന് കാറ്റെത്ര പോയി!