1.
കുഞ്ഞുമകന്‍ തൊട്ടപ്പോള്‍
വയസ്സന്‍ മരങ്ങള്‍
പൂക്കളിലകള്‍ പൊഴിച്ചുകൊണ്ട്
- "നീ വന്നോ"
2.
തണലിലൊന്നു നിന്ന്
പൂവുകള്‍ നോക്കാതെ
ഏട്ടാ നമ്മള്‍
എന്തിനെയോ കടന്നു പോയി.
3.
മതിലുകള്‍ക്ക് മേലെ
കാണുന്ന മരങ്ങളേ
ഉയരങ്ങളിലേക്ക് ആദ്യം
തള്ളിവിട്ടതിന്റെ പാടുകള്‍
നിങ്ങളിപ്പോഴും കരുതിയിട്ടുണ്ടോ.
4.
നിത്യതയിലുറച്ച തെരുവുമരങ്ങളേ
നിങ്ങള്‍ നിര്‍വികാരം പേറുന്നു
ഒറ്റവരി മൂകപ്രേമ കവിതകള്‍
5.
ഒറ്റ മരമേ, നിന്റെ ഏകാന്തതയേ
കവിക്കും കാമിക്കും ഭക്ഷണം
No comments:
Post a Comment